ಆರೋಗ್ಯವೇ ಭಾಗ್ಯ ಅನ್ನೊ ಗಾದೆ ಪ್ರತಿಯೊಬ್ಬರಿಗೂ ತಿಳಿದಿರುವ ಸಂಗತಿ. ಇಂದಿನ ಆಧುನಿಕ ಕಾಲದಲ್ಲಿ ಎಲ್ರೂ ಬೊಜ್ಜಿನ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಆ ಸಮಸ್ಯೆಗೆ ಪರಿಹಾರ ಅಂದ್ರೆ ಹಣ್ಣುಗಳ (Fruits) ಸೇವನೆ. ಹಣ್ಣುಗಳು ಎಲ್ಲ ರೀತಿಯ ಆರೋಗ್ಯ ಸಮಸ್ಯೆಗಳಿಗೆ ಬೆಸ್ಟ್. ಇವುಗಳ ಸೇವನೆ ನಮ್ಮ ದೇಹದ ಅಂಗಗಳ ಆರೋಗ್ಯಕ್ಕೆ (Health) ಉತ್ತಮ. ಅದಲ್ಲದೇ ಉತ್ತಮ ತ್ವಚೆ ಪಡೆಯಲು ಮತ್ತು ತೂಕ ಇಳಿಕೆಗೂ ಸಹಾಯಕಾರಿಯಾಗಿವೆ. ತಜ್ಞರ ಪ್ರಕಾರ “ನಾವು ತೂಕ ಇಳಿಸಲು (Weight Loss) ಬಯಸಿದರೆ, ಮೊದಲು ಡಿಟಾಕ್ಸ್ ಸೇವಿಸಬೇಕು. ಆದರೆ ಡಿಟಾಕ್ಸ್ ಅಂದ್ರೆ ಕೇವಲ ನೀರು ಮಾತ್ರವಲ್ಲ. ಅದರ ಜೊತೆ ಹಣ್ಣುಗಳನ್ನು ಸಹ ಸೇವಿಸುವುದು.
ಕೇವಲ ಹಣ್ಣುಗಳನ್ನು ಸೇವಿಸುತ್ತಾ ಉಪವಾಸ ಮಾಡುವುದು ತೂಕ ಇಳಿಕೆಗೆ ಬೆಸ್ಟ್. ಉದಾಹರಣೆಗೆ, ಕೇವಲ ಹಣ್ಣುಗಳನ್ನು ಸೇವಿಸುವ ಮೂಲಕ 72 ಗಂಟೆಗಳ ಕಾಲ ಉಪವಾಸ ಮಾಡುವುದು ಎಲ್ಲ ಆರೋಗ್ಯ ಸಮಸ್ಯೆಗಳಿಗೂ ಉತ್ತಮ” ಎಂದು ಹೇಳಿದ್ದಾರೆ.
ಫ್ರುಟೇರಿಯನ್ ಡಯೆಟ್ ಎಂದೂ ಕರೆಯಲಾಗುವ 3-ದಿನ ಹಣ್ಣುಗಳನ್ನು ಮಾತ್ರ ಸೇವಿಸುವುದರಿಂದ ನಿಮ್ಮ ತೂಕ ಇಳಿಕೆಯ ಜರ್ನಿಯನ್ನು ಸ್ಟಾರ್ಟ್ ಮಾಡಬಹುದು. ಇವು ನಿಮ್ಮ ದೇಹಕ್ಕೆ ವಿಟಮಿನ್ಗಳು, ಖನಿಜಗಳು ಮತ್ತು ಉತ್ಕರ್ಷಣ ನಿರೋಧಕಗಳನ್ನು ನೀಡುತ್ತವೆ.
ಮೂರು ದಿನಗಳವರೆಗೆ ಕೇವಲ ಹಣ್ಣುಗಳನ್ನು ಮಾತ್ರ ಸೇವಿಸುವುದರಿಂದ ಏನಾಗುತ್ತದೆ? ಎಂಬುದಕ್ಕೆ ಇಲ್ಲಿದೆ ಉತ್ತರ
ದಿನ 1: ತಜ್ಞರ ಪ್ರಕಾರ, 12 ಗಂಟೆಗಳ ನಂತರ ನಿಮಗೆ ಇಷ್ಟವಾಗುವ ಮತ್ತು ಸೀಸನ್ ಹಣ್ಣುಗಳನ್ನು ಸೇವಿಸುವುದರಿಂದ ನಮ್ಮ ದೇಹದ ಜೀರ್ಣಾಂಗ ವ್ಯವಸ್ಥೆ ಉತ್ತಮಗೊಂಡು ಹೊಟ್ಟೆ ಉಬ್ಬರ ಮತ್ತು ಮಲಬದ್ಧತೆ ಎಂಬ ಆರೋಗ್ಯ ಸಮಸ್ಯೆಗಳಿಂದ ದೂರವಿರಿಸುತ್ತದೆ.
ಇದಲ್ಲದೇ, ನಮ್ಮ ದೇಹವು ದೇಹಕ್ಕೆ ಬೇಕಾಗುವ ಅಗತ್ಯ ನ್ಯೂಟ್ರಿಯಂಟ್ಸ್ಗಳನ್ನು ಹೀರಿಕೊಳ್ಳಲು ಆರಂಭಿಸುತ್ತದೆ. ಇದರಿಂದ ಹೊಟ್ಟೆಗೆ ಸಂಬಂಧಪಟ್ಟ ಎಲ್ಲ ಸಮಸ್ಯೆಗಳನ್ನು ದೂರವಾಗುತ್ತವೆ.
ದಿನ 2 : ಎರಡನೇ ದಿನದ ಉಪವಾಸದಲ್ಲಿ ಪ್ರೂಟ್ ಡಯಟ್ ಮಾಡುವುದರಿಂದ ನಮ್ಮ ದೇಹದಲ್ಲಿರುವ ಹೆಚ್ಚುವರಿ ಕ್ಯಾಲೋರಿಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ತಜ್ಞರ ಪ್ರಕಾರ, ಹಣ್ಣುಗಳ ಸೇವನೆಯಿಂದ ನಮ್ಮ ದೇಹದಲ್ಲಿ ಶಕ್ತಿಯ ಉತ್ಪಾದನೆ ಹೆಚ್ಚಾಗಿ, ಹೆಚ್ಚು ಹಸಿವಾಗುವುದನ್ನು ತಡೆಗಟ್ಟುತ್ತದೆ.
ಇದನ್ನೂ ಓದಿ:
ಪೋಷಕರೇ ನಿಮ್ಮ ಮಗುವಿಗೆ ಜ್ವರವಿದ್ದರೆ ಈ ಎರಡು ತಪ್ಪುಗಳನ್ನು ಎಂದಿಗೂ ಮಾಡಬೇಡಿ!
ತಜ್ಞರೇ ಹೇಳುವಂತೆ ಹಣ್ಣುಗಳಲ್ಲಿ ಸಾಕಷ್ಟು ಕಾರ್ಬೋಹೈಡ್ರೆಟ್ಗಳು ಇರುವುದರಿಂದ ಬೇಗನೆ ಹಸಿವಾಗುವುದಿಲ್ಲ. ಆದರೆ ಈ ತರದ ಮೂರು ದಿನದ ಉಪವಾಸವು ನಂತರದ ದಿನಗಳಲ್ಲಿ ನ್ಯೂಟ್ರಿಯಂಟ್ಸ್ ಕೊರತೆಗೆ ಕಾರಣವಾಗಬಹುದು.
ದೇಹದ ಬೊಜ್ಜನ್ನು ಕರಗಿಸಲು ಇರುವ ಮತ್ತೊಂದು ಬೆಸ್ಟ್ ಉದಾಹರಣೆ ಅಂದ್ರೆ ಅದು ದೈಹಿಕ ಚಟುವಟಿಕೆ. ದೈಹಿಕ ಚಟುವಟಿಕಯನ್ನು ಹೆಚ್ಚು ಮಾಡುವುದರಿಂದ ಹೆಚ್ಚಿನ ಕೊಬ್ಬಿನಾಂಶವನ್ನು ಕಡಿಮೆ ಮಾಡಬಹುದು. ಸೋ ಫಿಸಿಕಲ್ ಆಕ್ಟಿವಿಟಿಸ್ ಜಾಸ್ತಿ ಮಾಡಿ.
ದಿನ 3: ಇನ್ನು ಮೂರನೇ ದಿನ ಉಪವಾಸದಲ್ಲಿ ಹಣ್ಣುಗಳನ್ನು ಸೇವಿಸುವುದರಿಂದ ನಮ್ಮ ದೇಹದಲ್ಲಿ ಸಾಕಷ್ಟು ಶಕ್ತಿ ಬರುತ್ತದೆ. ದೇಹದ ಇಮ್ಯೂನಿಟಿ ಪವರ್ ಹೆಚ್ಚಾಗುತ್ತದೆ.
ಹಣ್ಣಿನಲ್ಲಿರುವ ವಿಟಮಿನ್ಗಳು ಮತ್ತು ಆಂಟಿಆಕ್ಸಿಡೆಂಟ್ಗಳ ಪ್ರಭಾವದಿಂದ ದೇಹಕ್ಕೆ ಸಾಕಷ್ಟು ಪ್ರಮಾಣದ ಶಕ್ತಿ ದೊರೆಯುತ್ತದೆ. ಇದರಿಂದ ದೇಹದ ಜೀರ್ಣಾಂಗ ವ್ಯವಸ್ಥೆ ಉತ್ತಮಗೊಂಡು, ತ್ವಚೆಯು ಸುಂದರಗೊಳ್ಳಲು ಸಹಾಯವಾಗುತ್ತದೆ.
ಡಿಟಾಕ್ಸ್ ಡಯಟ್ಗೆ ಬೆಸ್ಟ್ ಹಣ್ಣುಗಳು ಇವು
ತಜ್ಞರ ಪ್ರಕಾರ, “ತೂಕ ಇಳಿಕೆಯಲ್ಲಿ ಫ್ರೂಟ್ ಡಿಟಾಕ್ಸ್ ಡಯಟ್ ಬೆಸ್ಟ್. ಇವುಗಳು ಫೈಬರ್ ಮತ್ತು ಆಂಟಿ ಆಕ್ಸಿಡೆಂಟ್ಗಳನ್ನು ಒಳಗೊಂಡಿರುತ್ತದೆ. ಹಣ್ಣುಗಳಲ್ಲಿ ಬೆರ್ರಿಸ್, ಸೇಬು, ಕಿತ್ತಳೆ, ಕಿವಿ ಪ್ರೂಟ್ ಮತ್ತು ದಾಳಿಂಬೆ ಇವು ತೂಕ ಇಳಿಕೆಯಲ್ಲಿ ಸಹಾಯಕ.
ಗಂಡನ ಜೊತೆಗೆ ಆ್ಯಕ್ಷನ್ ಮೂವಿ ಮಾಡ್ಬೇಕು ಎಂದ ಕತ್ರೀನಾ
ಕೇವಲ ಹಣ್ಣುಗಳನ್ನು ಸೇವಿಸುವುದರಿಂದ ಉಂಟಾಗುವ ಪರಿಣಾಮಗಳು ಹೀಗಿವೆ:
ಹಣ್ಣುಗಳು ಆರೋಗ್ಯಕ್ಕೆ ಉತ್ತಮ ಹೌದು. ಆದರೆ ಕೇವಲ ಹಣ್ಣುಗಳನ್ನು ಮಾತ್ರ ಸೇವಿಸುವುದರಿಂದ ಪ್ರೋಟಿನ್, ಕಬ್ಬಿಣ, ಕ್ಯಾಲ್ಸಿಯಂ, ವಿಟಮಿನ್ ಬಿ, ಜಿಂಕ್ ಮತ್ತು ಓಮೆಗಾ- 3 ಫ್ಯಾಟಿ ಆಸಿಡ್ ಕೊರತೆಯಿಂದ ಬಳಲುವ ಸಾಧ್ಯತೆ ಹೆಚ್ಚು ಎಂದು ತಜ್ಞರು ಹೇಳುತ್ತಾರೆ. ಇದಲ್ಲದೇ ಸಡನ್ ಆಗಿ ತೂಕ ಹೆಚ್ಚಾಗಬಹುದು. ಹಲ್ಲಿನ ತೊಂದರೆ ಸಹ ಬರಬಹುದು ಎಂದು ಹೇಳುತ್ತಾರೆ.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ
