ಬೆಂಗಳೂರು : ರಾಜ್ಯದಲ್ಲಿ ಸಂಚಾರ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಪೊಲೀಸರು ವಿಧಿಸಿದ ಈ-ಚಲನ್ದಂ ಡವನ್ನು ಬಾಕಿ ಉಳಿಸಿಕೊಂಡಿರುವ ಲಕ್ಷಾಂತರ ವಾಹನ ಚಾಲಕರಿಗೆ ಒಂದು ಕೊನೆಯ ಅವಕಾಶ. ಬಾಕಿ ದಂಡವನ್ನು ಅರ್ಧದಷ್ಟು ಕಡಿಮೆ ಮೊತ್ತದಲ್ಲಿ ಪಾವತಿ ಮಾಡಲು ಸರ್ಕಾರವು ನೀಡಿದ್ದ ವಿಶೇಷ ರಿಯಾಯಿತಿ ಯೋಜನೆಗೆ ಇಂದು ಸೆಪ್ಟೆಂಬರ್ 12, 2025 ಶುಕ್ರವಾರ ಕೊನೆಯ ದಿನವಾಗಿದೆ.
ಈ ರಿಯಾಯಿತಿ ಯೋಜನೆಯನ್ನು ಕರ್ನಾಟಕ ಪೊಲೀಸ್ ಇಲಾಖೆಯು ಜುಲೈ 2025ರಲ್ಲಿ ಆರಂಭಿಸಿತು. ಫೆಬ್ರವರಿ 11, 2023ರ ಮೊದಲು ದಾಖಲಾಗಿದ್ದ ಮತ್ತು ಇನ್ನೂ ಬಾಕಿ ಇರುವ ಎಲ್ಲಾ ಟ್ರಾಫಿಕ್ ಉಲ್ಲಂಘನೆ ಚಲನ್ ಗಳು ಇದರ ವ್ಯಾಪ್ತಿಗೆ ಈ ಯೋಜನೆಯ ಅಡಿಯಲ್ಲಿ ಬರುತ್ತದೆ. ಮೊದಲು ಈ ರಿಯಾಯಿತಿ ಅವಧಿಯನ್ನು ಜುಲೈ 11, 2025ರವರೆಗೆ ನಿಗದಿಪಡಿಸಿದ್ದರೂ, ಚಾಲಕರಿಂದ ಬಂದ ವಿನಂತಿಯನ್ನು ಪರಿಗಣಿಸಿ ಅದನ್ನು ವಿಸ್ತರಿಸಲಾಗಿದೆ. ಈ ಸವಕಳಿ ಅವಕಾಶವು ಸೆಪ್ಟೆಂಬರ್ 12, 2025 ದಿನ ಅರ್ಧರಾತ್ರಿಯೊಳಗಾಗಿ ಮುಕ್ತಾಯವಾಗುವ ನಿರ್ಧಾರವಾಗಿದೆ.
ಆನ್ಲೈನ್ನಲ್ಲಿ ಪಾವತಿಸಲು ಸಾಧ್ಯವಾಗದಿದ್ದರೆ, ನಿಮ್ಮ ಪ್ರದೇಶದ ಯಾವುದೇ ಸಂಚಾರ ಪೊಲೀಸ್ ಠಾಣೆಗೆ ಭೇಟಿ ನೀಡಿ ಬಾಕಿ ದಂಡವನ್ನು ರಿಯಾಯಿತಿ ಮೊತ್ತದಲ್ಲಿ ನಗದು ಅಥವಾ ಕಾರ್ಡ್ ಮೂಲಕ ಪಾವತಿಸಬಹುದು.
