ಮುಂಬೈ : ಭಾರತದಲ್ಲಿ ಇಂದಿನಿಂದ ಐಫೋನ್ 17 ಮಾರಾಟ ಆರಂಭವಾಗಿದ್ದು ಹೊಸ ಫೋನ್ ಕೊಳ್ಲಲು ಗ್ರಾಹಕರು ಮುಗಿಬಿದ್ದಿದ್ದಾರೆ. ಶುಕ್ರವಾರ ಬೆಳಿಗ್ಗೆ ಆಪಲ್ ಕಂಪನಿಯ ಐಫೋನ್ 17 ಸರಣಿಯ ಫೋನ್ಗಳು ಮಾರಾಟಕ್ಕೆ ಬರುತ್ತಿದ್ದಂತೆ ಗ್ರಾಹಕರು ಇಲ್ಲಿನ ಆಪಲ್ ಅಂಗಡಿಯಲ್ಲಿ ಜಮಾಯಿಸಿದರು. ಮಾಲ್ ಆಫ್ ಏಷ್ಯಾದಲ್ಲಿ ಇತ್ತೀಚೆಗೆ ತೆರೆಯಲಾದ ಆಪಲ್ ಹೆಬ್ಬಾಳ ಅಂಗಡಿಯ ಹೊರಗೆ ಹೊಸದಾಗಿ ಬಿಡುಗಡೆಯಾದ ಐಫೋನ್ 17 ಶ್ರೇಣಿಯನ್ನು ಮತ್ತು ಇತ್ತೀಚಿನ ಆಪಲ್ ವಾಚ್ ಮತ್ತು ಏರ್ಪಾಡ್ಗಳನ್ನು ಖರೀದಿಸಲು ಉತ್ಸಾಹಭರಿತ ಗ್ರಾಹಕರು ಬೇಗನೆ ಸರತಿ ಸಾಲಿನಲ್ಲಿ ನಿಂತರು.
ಸೆಪ್ಟೆಂಬರ್ 2 ರಂದು, ಆಪಲ್ ಬೆಂಗಳೂರಿನಲ್ಲಿ ತನ್ನ ಮೊದಲ ಚಿಲ್ಲರೆ ಅಂಗಡಿಯನ್ನು ತೆರೆಯಿತು, ಇದು ದಕ್ಷಿಣ ಭಾರತದಲ್ಲಿ ತನ್ನ ಚೊಚ್ಚಲ ಪ್ರವೇಶ ಮತ್ತು ದೇಶದಲ್ಲಿ ಕಂಪನಿಯ ಮೂರನೇ ಔಟ್ಲೆಟ್ ಅನ್ನು ಗುರುತಿಸಿತು. ಕಂಪನಿಯ ಪ್ರಕಾರ, ಈ ಅಂಗಡಿಯು ಗ್ರಾಹಕರಿಗೆ ಆಪಲ್ ಉತ್ಪನ್ನಗಳು, ಸೇವೆಗಳು ಮತ್ತು ಬೆಂಬಲದ ಸಂಪೂರ್ಣ ಶ್ರೇಣಿಯನ್ನು ನೀಡುತ್ತದೆ, ಜೊತೆಗೆ ಬಳಕೆದಾರರು ತಮ್ಮ ಸಾಧನಗಳಿಂದ ಹೆಚ್ಚಿನದನ್ನು ಪಡೆಯಲು ಸಹಾಯ ಮಾಡಲು ವಿನ್ಯಾಸಗೊಳಿಸಲಾದ ಉಚಿತ ಟುಡೇ ಅಟ್ ಆಪಲ್ ಸೆಷನ್ಗಳನ್ನು ನೀಡುತ್ತದೆ.
ಕೆಲವು ದಿನಗಳ ಹಿಂದಷ್ಟೇ ಆಪಲ್ ಕಂಪೆನಿಯು. ಐಫೋನ್ 17, ಐಫೋನ್ 17 ಪ್ರೊ, ಐಫೋನ್ 17 ಪ್ರೊ ಮ್ಯಾಕ್ಸ್ ಮತ್ತು ಐಫೋನ್ ಏರ್ ಶ್ರೇಣಿಯನ್ನು ಬಿಡುಗಡೆಗೊಳಿಸಿತ್ತು. ಇಂದಿನಿಂದ ಭಾರತದಲ್ಲೂ ಐಫೋನ್ 17 ಮಾರಾಟ ಆರಂಭವಾಗಲಿದ್ದು ಭರ್ಜರಿ ಡಿಸ್ಕೌಂಟ್ ಆಫರ್, ಎಲ್ಲಾ ಲಭ್ಯವಿದೆ. ಅಷ್ಟೇ ಅಲ್ಲ ರಿಟೇಲ್ ಔಟ್ಲೆಟ್, ಇ ಕಾಮರ್ಸ್ ಮೂಲಕವೂ ಫೋನ್ ಖರೀದಿಗೆ ಲಭ್ಯವಿದೆಯಂತೆ.
ಐಫೋನ್ 17, ಐಫೋನ್ 17 ಪ್ರೋ, ಐಫೋನ್ 17 ಪ್ರೋ ಮ್ಯಾಕ್ಸ್, ಐಫೋನ್ ಏರ್ ಫೋನ್ಗಳು ನಾಳೆಯಿಂದ ಲಭ್ಯವಿದೆ. ಅಂದಾಹಾಗೆ ಐಫೋನ್ 17ಗೆ ಭಾರತದಲ್ಲಿ 82,900 ರೂ., ಐಫೋನ್ ಏರ್ಗೆ 1,19,900 ರೂ., 17 ಪ್ರೋಗೆ 1,34,900 ರೂ. , 17 ಪ್ರೋ ಮ್ಯಾಕ್ಸ್ 1,49,900 ರೂ. ದರವನ್ನು ನಿಗದಿ ಮಾಡಲಾಗಿದೆ. ಆದರೆ ಇದೀಗ ಆಪಲ್ ವೆಬ್ಸೈಟ್ ಮೂಲಕ ಐಫೋನ್ 17 ಖರೀದಿಸುವ ಗ್ರಾಹಕರಿಗೆ ಕ್ಯಾಶ್ಬ್ಯಾಕ್ ಆಫರ್, ನೋ ಕಾಸ್ಟ್ ಇಎಂಐ, ಎಕ್ಸ್ಚೇಂಜ್ , ಕ್ರೆಡಿಟ್ ಆಫರ್ ನೀಡಲಾಗಿದೆ.
