ದೇಶಾದ್ಯಂತ ಒಂಭತ್ತು ದಿನಗಳ ನವರಾತ್ರಿ ಹಬ್ಬವನ್ನು ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ. ಹಬ್ಬದ ಸಂಭ್ರಮ ಒಂದೆಡೆಯಾದರೆ ದೇವರಿಗೆ ಮಾಡುವ ಬಗೆ ಬಗೆಯ ಭಕ್ಷ್ಯಗಳು, ಮನೆಗೆ ಬರುವ ನೆಂಟರಿಷ್ಟರಿಗೆ ತಯಾರಿಸುವ ಹಬ್ಬದ ಅಡುಗೆ (Cook) ಕೂಡ ಜೋರಾಗಿಯೇ ಇರುತ್ತದೆ. ಈ ಸಮಯದಲ್ಲಿ ಹೊಟ್ಟೆ ಕೂಡ ಬಗೆ ಬಗೆಯ ಭಕ್ಷ್ಯಗಳನ್ನು ಸವಿಯಬೇಕೆಂಬ ಕಾತರದಲ್ಲಿರುತ್ತದೆ. ಹೊಟ್ಟೆ ತುಂಬಾ ಊಟ ಮಾಡಬೇಕೆಂಬ ಬಯಕೆಯಿಂದ ನಿಮ್ಮ ನಿತ್ಯದ ಡಯೆಟ್ಗೆ (Diet) ಸಂಚಕಾರ ತಂದುಕೊಳ್ಳಬೇಡಿ. ಹಾಗಿದ್ದರೆ ಡಯೆಟ್ ಅನ್ನು ಪಾಲಿಸಿಕೊಂಡೇ ಬಾಯಿ ರುಚಿಯನ್ನು ತೀರಿಸಿಕೊಳ್ಳುವುದು ಹೇಗೆ ಎಂಬುದನ್ನು ಇಂದಿನ ಲೇಖನದಲ್ಲಿ ತಿಳಿಯೋಣ.
ಆಹಾರದಲ್ಲಿ ಬ್ಯಾಲೆನ್ಸ್ ಮಾಡುವುದು ಹೇಗೆ
ನವರಾತ್ರಿಯ ಸಮಯದಲ್ಲಿ ಸಿಹಿತಿಂಡಿ ಹಾಗೂ ಎಣ್ಣೆ ಭರಿತ ಆಹಾರ ಪದಾರ್ಥಗಳನ್ನು ಹೆಚ್ಚಾಗಿಯೇ ತಯಾರಿಸಲಾಗುತ್ತದೆ. ಈ ಸಮಯದಲ್ಲಿ ಬಾಯಿ ರುಚಿಯನ್ನು ತೀರಿಸಿಕೊಳ್ಳುವುದರ ಜೊತೆಗೆ ಆಹಾರದ ಕಡೆಗೂ ಗಮನಹರಿಸಬೇಕಾಗುತ್ತದೆ.
ಸಿಹಿ ತಿನ್ನಬೇಕು ಎಂದರೆ ಅದನ್ನು ಮಿತಿಯಲ್ಲಿ ಸೇವಿಸಿ 100 ಕ್ಯಾಲೊರಿಯೊಳಗೆ ಸಿಹಿ ಖಾದ್ಯ ಸೇವಿಸಿ. ಮಧ್ಯಾಹ್ನ ಹಾಗೂ ರಾತ್ರಿಯೂಟದ ಸಮಯದಲ್ಲಿ ಸಿಹಿತಿಂಡಿ ಸೇವಿಸದಿರಿ. ಊಟದೊಂದಿಗೆ ಸಿಹಿತಿನ್ನಬೇಕು ಎಂದಾದಲ್ಲಿ ಕ್ಯಾಲೊರಿಯನ್ನು ನಿರ್ದಿಷ್ಟಗೊಳಿಸಿ.
ಸಿಹಿಖಾದ್ಯಗಳ ಆಯ್ಕೆ ಹಿತಮಿತವಾಗಿರಲಿ
ಯಾವುದೇ ಆರೋಗ್ಯ ಸಮಸ್ಯೆಗಳಿಲ್ಲದವರು, ಎರಡು ಊಟಗಳ ನಡುವೆ ಸಿಹಿತಿಂಡಿಗಳು ಅಥವಾ ಕ್ಯಾಲೋರಿ-ಭರಿತ ತಿಂಡಿಗಳನ್ನು ಸೇವಿಸುವುದು ಉತ್ತಮ ಆಯ್ಕೆಯಾಗಿದೆ ಎಂದು ಎಂಡೋಕ್ರೈನಾಲಜಿಸ್ಟ್ ಕನ್ಸಲ್ಟೆಂಟ್ ಡಾ. ಹರ್ಷಲ್ ಏಕತ್ಪುರೆ ಸಲಹೆ ನೀಡುತ್ತಾರೆ.
ಕನಿಷ್ಠ ಎಣ್ಣೆ ಹಾಗೂ ಹಿತಮಿತ ಸಿಹಿಯಿಂದ ಮನೆಯಲ್ಲೇ ತಯಾರಿಸಿದ ಸಿಹಿ, ಎಣ್ಣೆ ಖಾದ್ಯಗಳನ್ನು ಸೇವನೆಗೆ ಆರಿಸಿ ಎಂದವರು ಸಲಹೆ ನೀಡುತ್ತಾರೆ. ಸಿಹಿ ತಿಂದಿದ್ದೀರಿ ಎಂದಾದರೆ, ಚಪಾತಿ, ಅನ್ನ ಮೊದಲಾದವನ್ನು 50% ದಷ್ಟು ಕಡಿಮೆ ಮಾಡುವ ಮೂಲಕ ಕ್ಯಾಲೊರಿ ಸಮತೋಲನ ಸಾಧಿಸಿ.
ಈ ರೀತಿಯಾಗಿ, ನಿಮ್ಮ ಒಟ್ಟಾರೆ ಕ್ಯಾಲೋರಿ ಸೇವನೆಗೆ ಧಕ್ಕೆಯಾಗದಂತೆ ನೀವು ಹಬ್ಬದ ಸತ್ಕಾರಗಳನ್ನು ಆನಂದಿಸಬಹುದು.
ಹಬ್ಬದ ಸಮಯದಲ್ಲಿ ವ್ಯಾಯಾಮ ಮರೆಯದಿರಿ
ಹಬ್ಬ ಹರಿದಿನಗಳ ಸಮಯದಲ್ಲಿ ಎಲ್ಲರೂ ಏನಾದರೊಂದು ಕೆಲಸಗಳಲ್ಲಿ ವ್ಯಸ್ತರಾಗಿರುವುದು ಸಹಜ. ಹಾಗೆಂದು ವ್ಯಾಯಾಮ ಮಾಡುವುದನ್ನು ಮರೆಯದಿರಿ ಎಂದು ಹರ್ಷಲ್ ಸೂಚಿಸುತ್ತಾರೆ.
ಡಂಬಲ್ಸ್ ಅಥವಾ ರೆಸಿಸ್ಟೆನ್ಸ್ ಬ್ಯಾಂಡ್ಗಳನ್ನು ಬಳಸಿಕೊಂಡು ಸ್ಟ್ರೆಂಥ್ ಟ್ರೈನಿಂಗ್ಗೆ ಆದ್ಯತೆ ನೀಡಿ. ಏರೋಬಿಕ್ಸ್ ವ್ಯಾಯಾಮ ಮಾಡಿ. ವಾರಕ್ಕೆ ಐದು ಬಾರಿ ಕನಿಷ್ಠ 30 ರಿಂದ 40 ನಿಮಿಷಗಳ ದೈಹಿಕ ಚಟುವಟಿಕೆಯನ್ನು ಗುರಿಯಾಗಿರಿಸಿಕೊಳ್ಳಿ ಎಂದು ಸಲಹೆ ನೀಡುತ್ತಾರೆ.
ಮಧುಮೇಹಿಗಳು ಆಹಾರ ನಿಯಂತ್ರಣವನ್ನು ಸಾಧಿಸುವುದು ಹೇಗೆ?
ಮಧುಮೇಹಿಗಳು ಹಬ್ಬಗಳ ಸಮಯದಲ್ಲಿ ಹೆಚ್ಚು ಜಾಗರೂಕರಾಗಿರಬೇಕು ಎಂದು ಹರ್ಷಲ್ ತಿಳಿಸುತ್ತಾರೆ. ಸಿಹಿತಿಂಡಿಗಳು ಮತ್ತು ಹುರಿದ ಆಹಾರಗಳನ್ನು ಕಟ್ಟುನಿಟ್ಟಾಗಿ ತಪ್ಪಿಸಬೇಕು.
ಇದನ್ನೂ ಓದಿ:
ಬಿಸಿ ನೀರಿಗೆ ಜೇನುತುಪ್ಪ ಬೆರೆಸಿ ಕುಡಿತೀರಾ? ಮೊದ್ಲು ಈ ವಿಚಾರ ತಿಳ್ಕೊಳ್ಳಿ, ಇಲ್ಲದಿದ್ರೆ ಗಂಡಾಂತರ ಫಿಕ್ಸ್!
ಕೃತಕ ಸಿಹಿಕಾರಕ ಹಾಗೂ ಕನಿಷ್ಠ ಎಣ್ಣೆ ಬಳಸಿ ತಯಾರಿಸಿದ ಖಾದ್ಯಗಳನ್ನೇ ಆರಿಸಿ ಎಂದು ಮಧುಮೇಹಿಗಳಿಗೆ ಹರ್ಷಲ್ ತಿಳಿಸುತ್ತಾರೆ. ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ಪೋರ್ಷನ್ ಕಂಟ್ರೋಲ್ ಮಾಡುವುದು ಮುಖ್ಯವಾಗಿದೆ. ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ನಿಯಮಿತವಾಗಿ ಮೇಲ್ವಿಚಾರಣೆ ಮಾಡುವುದು ಅತ್ಯಗತ್ಯ.
ಅಧಿಕ ರಕ್ತದೊತ್ತಡ ಸಮಸ್ಯೆ ಇರುವವರು ಡಯೆಟ್ ಹೇಗೆ ಮಾಡಬೇಕು?
ಅಧಿಕ ರಕ್ತದೊತ್ತಡವಿರುವವರು ಕೂಡ ತಾವು ಸೇವಿಸುವ ಆಹಾರದ ಮೇಲೆ ಗಮನ ಹರಿಸಬೇಕು ಎಂದು ಹರ್ಷಲ್ ತಿಳಿಸುತ್ತಾರೆ. ಹಬ್ಬದ ದಿನಗಳಲ್ಲಿ ಅತಿ ಕನಿಷ್ಠ ಸಿಹಿ ಹಾಗೂ ಹುರಿದ ತಿಂಡಿ ಸೇವಿಸಿ.
ಉಪ್ಪಿನ ಪದಾರ್ಥಗಳಿಂದ ಆದಷ್ಟು ದೂರವಿದ್ದರೆ ಒಳ್ಳೆಯದು ಎಂದು ಹರ್ಷಲ್ ತಿಳಿಸುತ್ತಾರೆ. ರಕ್ತದೊತ್ತಡವನ್ನು ನಿತ್ಯವೂ ಪರೀಕ್ಷಿಸಿಕೊಳ್ಳಬೇಕು ಅದರಲ್ಲೂ ಎಚ್ಚರವಾಗಿದ್ದಾಗ ಹಾಗೂ ಮಲಗಿರುವ ಸಮಯದಲ್ಲಿ ರಕ್ತದೊತ್ತಡ ಮೇಲ್ವಿಚಾರಣೆ ನಡೆಸಿ.
Kajal Aggarwal ಮಸ್ತ್ ಫೋಟೋಶೂಟ್
ರಕ್ತದೊತ್ತಡವಿರುವವರು ಏರೋಬಿಕ್ ಹಾಗೂ ಸ್ಟ್ರೆಂಥ್ ಟ್ರೈನಿಂಗ್ ವ್ಯಾಯಾಮವನ್ನು ಅನುಸರಿಸಬೇಕು. ಸಕ್ರಿಯ ಜೀವನಶೈಲಿಯನ್ನು ಅನುಸರಿಸುವುದು ರಕ್ತದೊತ್ತಡದ ಮಟ್ಟವನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ಸಹಾಯ ಮಾಡುತ್ತದೆ.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ
