Aishwarya Rai : ಮೇ 13 ರಂದು ಪ್ರಾರಂಭವಾದ 78ನೇ ಕ್ಯಾನೆಸ್ ಚಲನಚಿತ್ರೋತ್ಸವದಲ್ಲಿ ನೂರಾರು ಜನ ನಟ – ನಟಿಯರಿದ್ದರು ಕೂಡ ಈ ಬಾರಿ ಬಾಲಿವುಡ್ ನಟಿ ಮಾಜಿ ವಿಶ್ವ ಸುಂದರಿ ಐಶ್ವರ್ಯ ರೈ ಮುಂದೆ ಎಲ್ಲರೂ ಕೂಡ ಶೂನ್ಯವೆಂಬಾತೆ ಭಾಸವಾಗಿದೆ.
ಕಾನ್ ಫಿಲ್ಮ್ ಫೆಸ್ಟಿವಲ್ 2025 ರಲ್ಲಿ ಗುರುವಾರದಂದು ರಾಜಮನೆತನದ ಬಿಳಿ ಸೀರೆಯಲ್ಲಿ ಸೊಬಗನ್ನು ಪ್ರದರ್ಶಿಸಿದರು. ಕೆಂಪು ಪಚ್ಚೆ ಹಾರದೊಂದಿಗೆ, ಕೆಂಪು ಸಿಂದೂರ್ ಇಟ್ಟುಕೊಂಡು ರೆಡ್ ಕಾರ್ಪೆಟ್ ನಲ್ಲಿ ಮಹಾರಾಣಿಯಂತೆ ಐಶ್ವರ್ಯ ರೈ ಆಗಮಿಸಿದ್ದರು.
ಐಶ್ವರ್ಯ ರೈ ಅವರ ಈ ಲುಕ್ ಗೆ ಇಡೀ ವಿಶ್ವವೇ ಒಂದು ಕ್ಷಣ ಮನಸೋತಿತ್ತು, ಇದೀಗ ಕೇನ್ಸ್ ಚಲನಚಿತ್ರೋತ್ಸವದ ಐಶ್ವರ್ಯಾ ರೈ ಅವರ ಎರಡನೇ ಲುಕ್ ಕೂಡ ಬಹಿರಂಗಗೊಂಡಿದ್ದು, ಕಪ್ಪು ಬಣ್ಣದ ಕ್ರಿಸ್ಟಲ್ ಗೌನ್, ಉದ್ದನೆಯ ಶಾಲು ಧರಿಸಿದ್ದರು.
ಐಶ್ವರ್ಯ ರೈ ಧರಿಸಿದ್ದ ಬಟ್ಟೆಯನ್ನು ಗೌರವ್ ಗುಪ್ತಾ ಎನ್ನುವವರು ವಿನ್ಯಾಸಗೊಳಿಸಿದ್ದಾರೆ. ಅಲ್ಲದೇ ಬಟ್ಟೆಯ ಮಹತ್ವದ ಬಗ್ಗೆ ತಿಳಿಸಿದ್ದಾರೆ. ನಟಿ ಧರಿಸಿದ್ದ ಉಡುಪು ಬಹಳ ವಿಶೇಷವಾಗಿದ್ದು, ಅದರಲ್ಲಿ ಭಗವದ್ಗೀತೆಯ ಶ್ಲೋಕವೊಂದನ್ನು ಬರೆಯಲಾಗಿದೆ.
ಇನ್ನು ಬೆಳ್ಳಿ, ಚಿನ್ನ, ಇದ್ದಿಲು ಮತ್ತು ಕಪ್ಪು ಬಣ್ಣದ ವಿಶೇಷ ರೀತಿಯ ಅಮೂರ್ತ ಕೈ ಕಸೂತಿಯನ್ನು ಗೌನ್ನಲ್ಲಿ ಬಳಸಲಾಗಿದೆ. ಈ ಗೌನ್ ಮೈಕ್ರೋ ಗ್ಲಾಸ್ ಸ್ಫಟಿಕಗಳನ್ನು ಹೊಂದಿದ್ದು ಅದು ಬೆಳಕು ಮತ್ತು ವಿಭಿನ್ನ ಆಯಾಮಗಳನ್ನು ಸುಲಭವಾಗಿ ಸೆರೆಹಿಡಿಯುತ್ತದೆ ಎನ್ನಲಾಗಿದೆ.
