ಬೀಜಿಂಗ್ : ಚೀನಾದ ಬೌಷಾನ್ ಪ್ರದೇಶದಲ್ಲಿ ಶುಕ್ರವಾರ ಮುಂಜಾನೆ 6.30 ರ ಸುಮಾರಿಗೆ ಪ್ರಬಲ ಭೂಕಂಪ ಸಂಭವಿಸಿದೆ. ರಿಕ್ಟರ್ ಮಾಪಕದಲ್ಲಿ 4.6 ರಷ್ಟು ಕಂಪನ ದಾಖಲಾಗಿದೆ. ಭೂಕಂಪದ ಕೇಂದ್ರ ಬಿಂದು ಭೂಮಿಯಿಂದ 10 ಕಿಮೀ ಆಳದಲ್ಲಿತ್ತು ಎಂದು ರಾಷ್ಟ್ರೀಯ ಭೂಕಂಪಶಾಸ್ತ್ರ ಮಾಪನ ಕೇಂದ್ರ ತಿಳಿಸಿದೆ. ಇದೇ ವೇಳೆ ಆಫ್ಗಾನಿಸ್ತಾನದಲ್ಲಿಯೂ ಮಧ್ಯರಾಥ್ರಿ 12.47 ರ ವೇಳೆಗೆ ಲಘು ಭೂಕಂಪ ಸಂಭವಿಸಿದೆ.
ಟರ್ಕಿಯಲ್ಲಿ ರಿಕ್ಟರ್ ಮಾಪಕದಲ್ಲಿ 5.1 ತೀವ್ರತೆಯ ಭೂಕಂಪ ಸಂಭವಿಸಿದ ಕೆಲವೇ ಗಂಟೆಗಳ ನಂತರ ಇದು ಸಂಭವಿಸಿದೆ. ಮಧ್ಯಾಹ್ನ 3.46 ರ ಸುಮಾರಿಗೆ ಟರ್ಕಿಯಲ್ಲಿ ಭೂಕಂಪ ಸಂಭವಿಸಿದೆ ಎಂದು ಸ್ವತಂತ್ರ ವೈಜ್ಞಾನಿಕ ಸಂಸ್ಥೆ EMSC ವರದಿ ಮಾಡಿದೆ. ಕುಲುವಿನ ಈಶಾನ್ಯಕ್ಕೆ 14 ಕಿ.ಮೀ ದೂರದಲ್ಲಿ ಕಂಪನದ ಅನುಭವವಾಗಿದೆ.
ಈ ವಾರದ ಆರಂಭದಲ್ಲಿ, ಮ್ಯಾನ್ಮಾರ್ನಲ್ಲಿ ಮೂರು ಭೂಕಂಪಗಳು ಸಂಭವಿಸಿದವು. ಮೊದಲನೆಯದಾಗಿ, ಗುರುವಾರ ಮಧ್ಯಾಹ್ನ 1:31 ರ ಸುಮಾರಿಗೆ 3.3 ತೀವ್ರತೆಯ ಭೂಕಂಪ ಮ್ಯಾನ್ಮಾರ್ನಲ್ಲಿ ಸಂಭವಿಸಿತು, ನಂತರ ಎರಡು ಲಘು ಭೂಕಂಪಗಳು ಸಂಭವಿಸಿದವು.
