“ಆಪರೇಷನ್​ ಸಿಂಧೂರ” ಇನ್ನೂ ಮುಗಿದಿಲ್ಲ : ಕುತೂಹಲ ಮೂಡಿಸಿದ ವಾಯುಪಡೆ ಹೇಳಿಕೆ

ದೆಹಲಿ : ಪಹಲ್ಗಾಮ್​ ದಾಳಿಗೆ ಪ್ರತಿಯಾಗಿ ಭಾರತ ಆಪರೇಷನ್​ ಸಿಂಧೂರ್​ ಕಾರ್ಯಚರಣೆ ನಡೆಸಿ 9 ಉಗ್ರ ನೆಲೆಗಳನ್ನು ಧ್ವಂಸಗೊಳಿಸಿದೆ. ಈ ಕಾರ್ಯಚರಣೆ ನಂತರ ಪಾಕಿಸ್ತಾನ ಭಾರತದ ಮೇಲೆ ಸರಣಿ ಡ್ರೋನ್​ ದಾಳಿ ನಡೆಸುತ್ತಿದ್ದು. ಇದಕ್ಕೆ ಪ್ರತಿಯಾಗಿ ಭಾರತವೂ ಪ್ರಮಾಣಕ್ಕನುಗುಣವಾಗಿ ದಾಳಿ ನಡೆಸುತ್ತಿದೆ. ಆದರೆ ನಿನ್ನೆ ಇದ್ದಕ್ಕಿಂದತೆ ಕದನ ವಿರಾಮ ಘೋಷಣೆಯಾಗಿದ್ದು. ಇದರ ಬೆನ್ನಲ್ಲೇ ಭಾರತೀಯ ವಾಯುಪಡೆ ಮಾಡಿರುವ ಪೋಸ್ಟ್ ಕುತೂಹಲ ಉಂಟುಮಾಡಿದೆ.

“ಭಾರತೀಯ ವಾಯುಪಡೆ ಆಪರೇಷನ್ ಸಿಂಧೂರ್‌ ಅಡಿಯಲ್ಲಿ ನಿಯೋಜಿಸಿದ್ದ ಎಲ್ಲಾ ಕಾರ್ಯಗಳನ್ನು ನಿಖರವಾಗಿ ಮತ್ತು ವೃತ್ತಿಪರತೆಯೊಂದಿಗೆ ಯಶಸ್ವಿಯಾಗಿ ಮಾಡಿ ಮುಗಿಸಿದೆ. ಈ ಎಲ್ಲಾ ಕಾರ್ಯಚರಣೆಗಳು ಉದ್ದೇಶಪೂರ್ವಕವಾಗಿ ಮತ್ತು ವಿವೇಚನೆಯಿಂದ ರಾಷ್ಟ್ರದ ಹಿತಾಸಕ್ತಿಗೆ ಅನುಗುಣವಾಗಿ ಮಾಡಿ ಮುಗಿಸಿದ್ದೇವೆ” ಎಂದು ಹೇಳಿದೆ.

ಆಪರೇಷನ್​ ಕಾರ್ಯಚರಣೆ ಇನ್ನು ಮುಗಿದಿಲ್ಲ ಎಂದು ಹೇಳಿರುವ ವಾಯುಪಡೆ. ಕಾರ್ಯಚರಣೆ ಇನ್ನು ನಡೆಯುತ್ತಿದೆ. ಈ ಕುರಿತು ಸರಿಯಾದ ಸಮಯದಲ್ಲಿ ವಿವರಣೆ ನೀಡಲಾಗುತ್ತದೆ. ಆದ್ದರಿಂದ ಯಾರೂ ಕೂಡ ಪರಿಶೀಲಿಸದೆ. ಊಹಾಪೋಹದ ಮಾಹಿತಿಯನ್ನ ಹಂಚಿಕೊಳ್ಳಬೇಡಿ ಎಂದು ಭಾರತೀಯ ವಾಯುಪಡೆ ಮಾಹಿತಿ ನೀಡದೆ.