ರಾತ್ರಿ ಮಲಗಿ ಬೆಳಗ್ಗೆ ಎದ್ದಿದ್ದೇವೆ ಅಂದರೆ ಅದು ಹೊಸ ಜೀವನ ಅಂತಾನೇ ಅರ್ಥ. ನಮ್ಮ ದಿನವನ್ನು ನಾವೂ ಸೂಪರ್ (Super) ಆಗಿ ಶುರು ಮಾಡಬೇಕು ಅಂದರೆ ರಾತ್ರಿ ನಿದ್ರೆ ಉತ್ತಮವಾಗಿರಬೇಕು. ನಿದ್ರೆ ಎಲ್ಲರಿಗೂ ಬಹಳ ಪ್ರಮುಖವಾಗಿ ಬೇಕಾದದ್ದು. ಹೌದು ನಿದ್ರೆಯು ನಮ್ಮ ದೇಹದ (Body) ಸರಿಯಾದ ಕಾರ್ಯನಿರ್ವಹಣೆಗೆ ಸಹಾಯ ಮಾಡುವುದರಿಂದ ರಾತ್ರಿಯ ನಿದ್ರೆ (Sleep) ಬಹಳ ಮುಖ್ಯ. ನಿದ್ರೆ ಸರಿಯಾಗಿ ಆಗದಿದ್ದರೆ ಆರೋಗ್ಯ ಮತ್ತು ದೇಹದ ಒಟ್ಟಾರೆ ಕಾರ್ಯನಿರ್ವಹಣೆಯ ಮೇಲೆ ಪರಿಣಾಮ ಬೀರಬಹುದು.
ನಿದ್ರೆಯಿಂದ ಇದೆ ಹಲವು ಆರೋಗ್ಯ ಲಾಭ
ನಿದ್ರೆಯಿಂದ ದೇಹಕ್ಕೆ ಹೇಳಲಾರದಷ್ಟು ಅದ್ಭುತ ಪ್ರಯೋಜನಗಳಿವೆ. ನಿದ್ರೆಯಿಂದ ಕೆಲಸದ ಮೇಲೆ ಆಸಕ್ತಿ, ಹೊಸ ಉತ್ಸಾಹ, ದೇಹಕ್ಕೆ ವಿಶ್ರಾಂತಿ, ಜೀರ್ಣಕ್ರಿಯೆ, ತೂಕ ನಿರ್ವಹಣೆ, ಮೆದುಳಿಗೆ ವಿಶ್ರಾಂತಿ ಹೀಗೆ ಹಲವಾರು ಪ್ರಯೋಜನಗಳು ನಮಗೆ ನಿದ್ರೆಯಿಂದ ಲಭಿಸುತ್ತವೆ. ಈ ಎಲ್ಲಾ ಲಾಭಗಳು ನಮಗೆ ಸಿಗಬೇಕು ಅಂದರೆ ಉತ್ತಮ ನಿದ್ರೆ ಬೇಕಾಗುತ್ತದೆ.
ಕೆಲವರಿಗೆ ನಿದ್ರೆಯ ಕೊರತೆ ಇರುತ್ತದೆ. ಮಧ್ಯೆ ಮಧ್ಯೆ ಎಚ್ಚರಗೊಳ್ಳುವುದು, ನಿದ್ರೆ ಸರಿಯಾಗಿ ಆಗದಿರುವುದು, ತಡವಾಗಿ ನಿದ್ರೆ ಬರುವುದು ಹೀಗೆ ನಿದ್ರೆಗೆ ಸಂಬಂಧಿಸಿದ ಅಡಚಣೆಗಳನ್ನು ಅನುಭವಿಸುತ್ತಾರೆ. ಈ ಎಲ್ಲಾ ಅಡಚಣೆಗಳನ್ನು ಮೀರಿ ಉತ್ತಮ ನಿದ್ರೆ ಪಡೆಯುವುದು ಹೇಗೆ ಎಂಬುವುದನ್ನು ವೈದ್ಯರು ತಿಳಿಸಿದ್ದಾರೆ ನೋಡಿ.
ಚೆನ್ನಾಗಿ ನಿದ್ದೆ ಮಾಡಲು ತಜ್ಞರು ನೀಡಿರುವ ಸಲಹೆಗಳು ಹೀಗಿವೆ.
ಮಲಗುವ ಕೋಣೆ
ನಿದ್ರೆ ಚೆನ್ನಾಗಿ ಬರಬೇಕು ಅಂದರೆ ಮಲಗುವ ಕೋಣೆ ಸರಿಯಾಗಿರಬೇಕು. ಲಕ್ಸುರಿಯಾಗಿ ಇರದಿದ್ದರೂ ಕೊಠಡಿಯ ತಾಪಮಾನ ಎಲ್ಲವೂ ಉತ್ತಮವಾಗಿರಬೇಕು. ನಿಮ್ಮ ಮಲಗುವ ಕೋಣೆಯ ಉಷ್ಣತೆಯು 18 ರಿಂದ 20 ಡಿಗ್ರಿ ಸೆಲ್ಸಿಯಸ್ ನಡುವೆ ಇರಬೇಕೆನ್ನುತ್ತಾರೆ ವೈದ್ಯರು.
ಊಟದ ಸಮಯ
ನಿಮ್ಮ ಊಟದ ಸಮಯವು ನಮ್ಮ ನಿದ್ರೆಯಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಆದ್ದರಿಂದ, ನಿದ್ರೆ ಮಾಡೋ ಮುನ್ನ ಕನಿಷ್ಠ 3 ಗಂಟೆಗಳ ಮೊದಲು ಊಟವನ್ನು ಸೇವಿಸಿ. ಆರೋಗ್ಯಕರ ಜೀವನಕ್ಕೆ ರಾತ್ರಿ ಏಳುಗಂಟೆಯ ಒಳಗೆ ಆಹಾರ ತಿನ್ನುವುದು ಉತ್ತಮ.
ಏಕೆಂದರೆ ಇದು ಆಹಾರ ಮತ್ತು ಆಮ್ಲಗಳಿಂದ ಹೊಟ್ಟೆಯನ್ನು ಖಾಲಿಯಾಗಿಡಲು ಸಹಾಯ ಮಾಡುತ್ತದೆ ಮತ್ತು ಆಸಿಡ್ ರಿಫ್ಲಕ್ಸ್ನಿಂದ ಉಂಟಾಗಬಹುದಾದ ನಿಮ್ಮ ನಿದ್ರೆಯಲ್ಲಿ ಯಾವುದೇ ಅಡಚಣೆಯನ್ನು ತಡೆಯುತ್ತದೆ.
ಫೋನ್, ಲ್ಯಾಪ್ಟಾಪ್ಗಳನ್ನು ಕಡಿಮೆ ಮಾಡಿ
ಮಲಗುವ ಮುನ್ನ ನೀಲಿ ಬೆಳಕನ್ನು ಹೊರಸೂಸುವ ಫೋನ್, ಲ್ಯಾಪ್ಟಾಪ್ಗಳನ್ನು ಆದಷ್ಟು ದೂರ ಮಾಡಿ. ನಿಮ್ಮ ಫೋನ್ಗಳು, ಲ್ಯಾಪ್ಟಾಪ್ಗಳು, ಟ್ಯಾಬ್ಲೆಟ್ಗಳು ಮತ್ತು ಇತರ ಸಾಧನಗಳ ಪರದೆಗಳಿಂದ ನೀಲಿ ಬೆಳಕು ಹೊರ ಸೂಸುತ್ತದೆ, ಇದು ಅಪಾಯಕಾರಿಯಾಗಿದೆ.
ನೀಲಿ ಬೆಳಕು ದೇಹದಲ್ಲಿ ಮೆಲಟೋನಿನ್ ಉತ್ಪಾದನೆಯ ಮೇಲೆ ಪರಿಣಾಮ ಬೀರುತ್ತದೆ, ಇದು ನಿದ್ರೆಗೆ ಅಗತ್ಯವಾದ ಹಾರ್ಮೋನ್ ಆಗಿರುವುದರಿಂದ, ದೇಹವು ಅಗತ್ಯವಾದ ಪ್ರಮಾಣದ ಮೆಲಟೋನಿನ್ ಅನ್ನು ಉತ್ಪಾದಿಸದಿದ್ದರೆ, ಒಬ್ಬ ವ್ಯಕ್ತಿಗೆ ನಿದ್ರೆ ಮಾಡಲು ಕಷ್ಟವಾಗುತ್ತದೆ.
ಇದನ್ನೂ ಓದಿ:
Time Manage ಮಾಡೋಕೆ ಆಗ್ತಾ ಇಲ್ವಾ? ಈ ಟಿಪ್ಸ್ ಫಾಲೋ ಮಾಡಿ
ಆದ್ದರಿಂದ ನೀವು ಈ ಸಾಧನಗಳನ್ನು ಬಳಸುತ್ತಿದ್ದರೆ, ನೀಲಿ ಬೆಳಕಿನ ಫಿಲ್ಟರ್ ಅನ್ನು ಆನ್ ಮಾಡಲು ಖಚಿತಪಡಿಸಿಕೊಳ್ಳಿ ಅದು ನಿಮ್ಮ ದೇಹದ ಮೇಲೆ ನೀಲಿ ಬೆಳಕಿನ ಪ್ರಭಾವವನ್ನು ಕಡಿಮೆ ಮಾಡುತ್ತದೆ.
ಮೊಸರು
ಉತ್ತಮವಾಗಿ ನಿದ್ರೆ ಮಾಡಲು ಮೊಸರು ತಿನ್ನಿ ಎನ್ನುತ್ತಾರೆ ವೈದ್ಯರು. ಏಕೆಂದರೆ ಮೊಸರಿನಲ್ಲಿ ಟ್ರಿಪ್ಟೊಫಾನ್ ಎಂಬ ಅಮೈನೋ ಆಮ್ಲವಿದ್ದು ರಾತ್ರಿಯ ಗುಣಮಟ್ಟದ ನಿದ್ರೆಗೆ ಸಹಾಯ ಮಾಡುತ್ತದೆ. ಮೊಸರನ್ನು ಹೊರತುಪಡಿಸಿ ಕ್ಯಾಮೊಮೈಲ್ ಚಹಾ ಸಹ ಕುಡಿಯಬಹುದು, ಇದು ನಿದ್ರೆಗೆ ಸಹಕಾರಿ.
ದೇವಸ್ಥಾನದಲ್ಲಿ ಘಂಟೆ ಬಾರಿಸೋದು ಇದೇ ಕಾರಣಕ್ಕಂತೆ!
ಈ ಮೇಲಿನ ಅಭ್ಯಾಸಗಳ ಜೊತೆಗೆ ರಾತ್ರಿ ಗುಣಮಟ್ಟದ ನಿದ್ರೆಯನ್ನು ಪಡೆಯಬಹುದು. ಈ ಆರೋಗ್ಯಕರ ಅಭ್ಯಾಸಗಳು ನಮ್ಮ ಒಟ್ಟಾರೆ ಯೋಗಕ್ಷೇಮವನ್ನು ಸುಧಾರಿಸುತ್ತವೆ.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ
