ರಕ್ತಹೀನತೆ (Anemia) ಅಥವಾ ಅನೀಮಿಯಾವನ್ನು ಕೆಂಪು ರಕ್ತ ಕಣಗಳ ಸಂಖ್ಯೆ ಕಡಿಮೆಯಾಗುವ ಪರಿಸ್ಥಿತಿ ಎಂಬುದಾಗಿ ತಿಳಿಸಲಾಗಿದೆ. ರಕ್ತ ಪರೀಕ್ಷೆಯ ಸಮಯದಲ್ಲಿ ಕೆಂಪು ರಕ್ತಕಣಗಳ ಸಂಖ್ಯೆ ಕಡಿಮೆ ಇದ್ದರೆ ಅದನ್ನು ರಕ್ತಹೀನತೆ ಎಂದು ಕರೆಯಲಾಗುತ್ತದೆ. ಹಿಮೋಗ್ಲೋಬಿನ್ (Hemoglobin) ಅಂಶ ಕಡಿಮೆಯಾಗುವುದೂ ಕೂಡ ರಕ್ತಹೀನತೆ ಸಮಸ್ಯೆಗಳಲ್ಲಿ ಒಂದೆನಿಸಿದೆ. ಕೆಂಪು ರಕ್ತಕಣಗಳು ಮುಖ್ಯವಾಗಿ ನಮ್ಮ ದೇಹಾದ್ಯಾಂತ ಆಮ್ಲಜನಕವನ್ನು ಹೊತ್ತೊಯ್ಯುತ್ತವೆ. ಆಮ್ಲಜನಕ ಕೋಶಗಳನ್ನು ಉತ್ತೇಜಿಸುತ್ತದೆ ಹಾಗೂ ನಮಗೆ ಶಕ್ತಿಯನ್ನೊದಗಿಸುತ್ತದೆ. ಕೆಂಪು (Red) ರಕ್ತಕಣಗಳು ಆಮ್ಲಜನಕ ಪೂರೈಕೆಯನ್ನು ಸಮರ್ಪಕವಾಗಿ ಮಾಡದೇ ಇದ್ದರೆ ನಮಗೆ ಶಕ್ತಿ ದೊರೆಯುವುದಿಲ್ಲ. ರಕ್ತಹೀನತೆ ಸಮಸ್ಯೆ (Anemia Problem) ಇರುವವರು ನಿಶ್ಯಕ್ತಿಯಿಂದ ಬಳಲುವುದೂ ಕೂಡ ಇದೇ ಕಾರಣದಿಂದಾಗಿದೆ.
ಅನೀಮಿಯಾದಲ್ಲಿ ಹಲವಾರು ಬಗೆಗಳಿವೆ
ಅನೀಮಿಯಾದಲ್ಲಿ ಹಲವಾರು ಬಗೆಗಳಿದ್ದು ಕೆಲವು ಕಡಿಮೆ ಸಮಯದವರೆಗೆ ಇರುತ್ತದೆ. ಇನ್ನು ಕೆಲವು ಮಧ್ಯಮ ಗತಿಯಲ್ಲಿರುತ್ತದೆ. ಇನ್ನು ಕೆಲವು ಜೀವನ ಪರ್ಯಂತ ಇರುವ ಪರಿಸ್ಥಿತಿ ಕೂಡ ಇರುತ್ತದೆ. ಒಮ್ಮೊಮ್ಮೆ ರಕ್ತಹೀನತೆ ಜೀವಕ್ಕೆ ಅಪಾಯ ತರುವ ಪರಿಸ್ಥಿತಿಯಲ್ಲಿ ಕೂಡ ಇರುತ್ತದೆ.
ಕಿಡ್ನಿ ಕಾಯಿಲೆ ಅಥವಾ ಕ್ರೋನಿಕ್ ಕಿಡ್ನಿ ಡಿಸೀಸ್ ಹಾಗೂ ರಕ್ತಹೀನತೆ
ಕ್ರೋನಿಕ್ ಕಿಡ್ನಿ ಕಾಯಿಲೆ ಈ ಸಮಯದಲ್ಲಿ ಕಿಡ್ನಿಗಳು ಹಾನಿಗೊಳಗಾಗಿರುತ್ತವೆ ಹಾಗೂ ರಕ್ತವನ್ನು ಶೋಧಿಸುವ ಕೆಲಸ ಮಾಡುವುದಿಲ್ಲ. ಈ ಕಾರಣದಿಂದ ಹೆಚ್ಚುವರಿ ಹರಿವು ಹಾಗೂ ರಕ್ತದಲ್ಲಿರುವ ತ್ಯಾಜ್ಯ ದೇಹದಲ್ಲಿಯೇ ಉಳಿಯುತ್ತದೆ ಹಾಗೂ ಇನ್ನಿತರ ಆರೋಗ್ಯ ಸಮಸ್ಯೆಗಳಾದ ಹೃದಯ ಕಾಯಿಲೆ ಸ್ಟ್ರೋಕ್ ಸಮಸ್ಯೆಗಳನ್ನೊಡ್ಡಬಹುದು.
ಕಿಡ್ನಿ ಸಮಸ್ಯೆ ಇರುವವರಲ್ಲಿ ರಕ್ತಹೀನತೆ ಏಕೆ ಸಾಮಾನ್ಯವಾಗಿದೆ
ಇನ್ನು ಅನೀಮಿಯಾ ಹಾಗೂ ಕ್ರೋನಿಕ್ ಕಿಡ್ನಿ ಡಿಸೀಸ್ ಕುರಿತು ಮಾತನಾಡುವುದಾದರೆ ಹೆಚ್ಚಿನ ಕಿಡ್ನಿ ಸಮಸ್ಯೆ ಇರುವ ರೋಗಿಗಗಳು ರಕ್ತಹೀನತೆ ಸಮಸ್ಯೆಯಿಂದ ಬಳಲುವುದು ಕೂಡ ಹೆಚ್ಚಾಗಿದೆ.
ಇದನ್ನೂ ಓದಿ:
ಅಪ್ಪಿತಪ್ಪಿ ಚ್ಯೂಯಿಂಗ್ ಗಮ್ ನುಂಗಿದರೆ ಏನಾಗುತ್ತೆ? ಇದನ್ನು ಉಗುಳುವುದು ಹೇಗೆ ಗೊತ್ತಾ?
ಇದಕ್ಕೆ ಕಾರಣವೇನು ಎಂಬುದನ್ನು ಹಲವಾರು ಪರಿಣಿತರು ತಿಳಿಸಿದ್ದು, ಗುರ್ಗ್ರಾಮ್ನ ಮಣಿಪಾಲ್ ಆಸ್ಪತ್ರೆಯ ವೈದ್ಯರಾದ ಡಾ. ಸಂದೀಪ್ ಕುಮಾರ್ ಹೇಳುವಂತೆ ಅನೀಮಿಯಾ ಎಂಬುದು ಕಿಡ್ನಿ ಸಮಸ್ಯೆ ಇರುವವರಲ್ಲಿ ಹೆಚ್ಚು ಸಾಮಾನ್ಯ ಎಂದಾಗಿದೆ. ಕಿಡ್ನಿ ಸಮಸ್ಯೆ ತೀವ್ರವಾಗಿದ್ದಂತೆ ಅನೀಮಿಯಾ ಕೂಡ ಹೆಚ್ಚಾಗಿರುತ್ತದೆ ಎಂದು ಸಂದೀಪ್ ತಿಳಿಸಿದ್ದಾರೆ.
ಕಿಡ್ನಿ ಸರಿಯಾಗಿ ಕೆಲಸ ಮಾಡದೇ ಇದ್ದ ಸಂದರ್ಭದಲ್ಲಿ ರಕ್ತದಲ್ಲಿರುವ ವಿಷಕಾರಿ ಅಂಶಗಳಿಂದಾಗಿ ರಕ್ತ ಕಣಗಳ ಸಂಖ್ಯೆ ಕಡಿಮೆಯಾಗುತ್ತದೆ. ಹೀಗಾಗಿ ಅನೀಮಿಯಾ ಕಂಡುಬರುತ್ತದೆ. ವಿಟಮಿನ್ ಬಿ12 ಹಾಗೂ ಫೋಲಿಕ್ ಆಸಿಡ್ ಕಡಿಮೆಯಾಗುವುದು ಕಿಡ್ನಿ ರೋಗಿಗಳಲ್ಲಿ ಕಂಡುಬರುತ್ತದೆ.
ಪುಣೆಯ ಯುರೋಲಜಿಸ್ಟ್ ಕ್ಷತಿಜ್ ರಘುವಂಶಿ ಹೇಳುವಂತೆ, ಕಿಡ್ನಿಗಳು ಎರಿಥ್ರೋಪೊಯೆಟಿನ್ ಅನ್ನು ಉತ್ಪಾದಿಸುವಲ್ಲಿ ಅಸಾಮರ್ಥ್ಯವನ್ನು ಹೊಂದಿರುತ್ತವೆ. ಇದರಿಂದ ಬೋನ್ ಮ್ಯಾರೊ ಕಡಿಮೆ ರಕ್ತ ಕೋಶಗಳನ್ನು ಉತ್ಪಾದಿಸುತ್ತದೆ ಹಾಗೂ ಇದರಿಂದ ಕೂಡ ಅನೀಮಿಯಾ ಸಂಭವಿಸುತ್ತದೆ ಎಂದು ತಿಳಿಸಿದ್ದಾರೆ.
ಕಿಡ್ನಿ ಸಮಸ್ಯೆ ಇರುವ ರೋಗಿಗಳಲ್ಲಿ ರಕ್ತಹೀನತೆ ಪರಿಣಾಮಗಳು
ವೈದ್ಯ ರಘುವಂಶಿ ಹೇಳುವಂತೆ ರಕ್ತಹೀನತೆ ಇರುವ ರೋಗಿಗಳು ಹೃದಯದ ಸಮಸ್ಯೆಗಳಿಂದ ಬಳಲುತ್ತಾರೆ ಎಂದಾಗಿದೆ. ಕಿಡ್ನಿ ಸಮಸ್ಯೆ ಹೊಂದಿರುವ ರೋಗಿ ರಕ್ತಹೀನತೆ ಸಮಸ್ಯೆಯನ್ನೆದುರಿಸಿದಾಗ ಆತ ತುಂಬಾ ದುರ್ಬಲನಾಗಿರುತ್ತಾನೆ ಹಾಗೂ ತೀರಾ ಬೇಗ ಆಯಾಸಗೊಳ್ಳುತ್ತಾನೆ.
ಒಮ್ಮೊಮ್ಮೆ ಈ ಸಮಯದಲ್ಲಿ ರೋಗಿಗೆ ರಕ್ತಕೋಶಗಳನ್ನು ಉತ್ಪಾದಿಸುವ ಇಂಜೆಕ್ಶನ್ಗಳನ್ನು ನೀಡಲಾಗುತ್ತದೆ. ವಿಟಮಿನ್ ಬಿ 12 ಸಪ್ಲಿಮೆಂಟ್ಗಳ ಪೂರೈಕೆಯೊಂದಿಗೆ ಐರನ್ ಸಪ್ಲಿಮೆಂಟ್ಗಳನ್ನು ನೀಡಲಾಗುತ್ತದೆ. ಈ ಮೂಲಕ ರೋಗಿಗೆ ಶಕ್ತಿಯನ್ನೊದಗಿಸಲಾಗುತ್ತದೆ ಎಂದು ತಿಳಿಸಿದ್ದಾರೆ.
ಮನಸ್ಸಿನಲ್ಲಿ ಮಾತ್ರ ಅಲ್ಲ, ಮೈ ತುಂಬಾ ರಾಮನಾಮ!
ರಕ್ತಹೀನತೆ ಸಮಸ್ಯೆ ಇರುವವರು ಆಹಾರದಲ್ಲಿ ಕೆಲವೊಂದು ಮಾರ್ಪಾಡುಗಳನ್ನು ಮಾಡಿಕೊಳ್ಳುವ ಮೂಲಕ ಹಾಗೂ ಸರಿಯಾದ ರೀತಿಯ ಚಿಕಿತ್ಸೆಯನ್ನು ತೆಗೆದುಕೊಳ್ಳು ಮೂಲಕ ಸಮಸ್ಯೆಯನ್ನು ಪರಿಹರಿಸಿಕೊಳ್ಳಬಹುದಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ
