ಸ್ವಲ್ಪ ದಿನದ ಕೆಮ್ಮು ವಾಸ್ತವವಾಗಿ ಒಳ್ಳೆಯದು ಅಂತಾರೇ ವೈದ್ಯರು. ಕಾರಣ ಇದು ನಮ್ಮ ವಾಯುಮಾರ್ಗಗಳನ್ನು ತೆರವುಗೊಳಿಸುವ ಒಂದು ಮಾರ್ಗವಾಗಿದೆ. ಆದರೆ ಇದೇ ಕೆಮ್ಮು ತಿಂಗಳು ಗಟ್ಟಲೇ ಇದ್ದು, ರಾತ್ರಿ (Night) ನಿದ್ರೆ ಮಾಡದಷ್ಟು ತೊಂದರೆ ಕೊಟ್ಟರೆ ಆ ಫಜೀತಿ ಯಾರಿಗೂ ಬೇಡ. ಕೆಲವೊಮ್ಮೆ ತಿಂಗಳುಗಟ್ಟಲೇ ಕೆಮ್ಮು ವಾಸಿಯಾಗದೇ ಉಳಿದು ಹಿಂಸೆ ನೀಡುತ್ತದೆ. ಒಮ್ಮೊಮ್ಮೆ ಕೆಮ್ಮಿಗೆ ಎಷ್ಟೇ ಚಿಕಿತ್ಸೆ ಮಾಡಿದರೂ ಅದು ವಾಸಿಯಯಾಗೋದೇ ಇಲ್ಲ. ನಿಮಗೂ ಹೀಗೆ ಕೆಮ್ಮಿದ್ದರೆ, ಇಲ್ಲಾ ನಿಮಗೆ ಗೊತ್ತಿರುವವರು ಈ ಸಮಸ್ಯೆ (Problems) ಅನುಭವಿಸುತ್ತಿದ್ದರೆ ನಾವಿಲ್ಲಿ ಹೇಳುವ ಮನೆಮದ್ದುಗಳನ್ನು ಅನುಸರಿಸಿ ಮತ್ತು ಇತರರಿಗೂ ಹೇಳಿ.
ಕೆಮ್ಮಿಗೆ 7 ಮನೆಮದ್ದುಗಳು
1. ಕೆಮ್ಮಿಗೆ ಮದ್ದು ಜೇನುತುಪ್ಪ
ಸಿಹಿಯಾಗಿರುವ ಜೇನುತುಪ್ಪ ಕೆಮ್ಮಿಗೆ ರಾಮಬಾಣ. ಇದು ಕಡಿಮೆ ಸಮಯದಲ್ಲಿಯೇ ಕೆಮ್ಮನ್ನು ಶಮನಗೊಳಿಸಿ ಚಿಕಿತ್ಸೆ ನೀಡುತ್ತದೆ. ಬಿಸಿನೀರು ಇಲ್ಲಾ ಚಹಾಕ್ಕೆ ಇದನ್ನು ಸೇರಿಸಿ ಕುಡಿಯವುದು ಅಥವಾ ಜೇನುತುಪ್ಪ ಮತ್ತು ನಿಂಬೆ ರಸ ಸೇರಿಸಿ ಕುಡಿಯುವುದು ಕೆಮ್ಮಿಗೆ ಉತ್ತಮ ಮನೆಮದ್ದಾಗಿದೆ. ಇದು ಕೆಮ್ಮನ್ನು ನಿವಾರಿಸುವುದಲ್ಲದೇ ನಿದ್ರೆಯನ್ನು ಸಹ ಸುಧಾರಿಸುತ್ತದೆ. ಮಕ್ಕಳಿಗೆ ನೀಡುವಾಗ ಕೇವಲ ಎರಡು ವರ್ಷ ಮೇಲ್ಪಟ್ಟ ಮಕ್ಕಳಿಗೆ ಮಾತ್ರ ಇದನ್ನು ನೀಡಿ.
2. ಲೋಝೆಂಜಸ್ ಅಥವಾ ಹಾರ್ಡ್ ಕ್ಯಾಂಡಿ
ಲೋಝೆಂಜಸ್ ಮತ್ತು ಗಟ್ಟಿಯಾದ ಕ್ಯಾಂಡಿ, ಲಾಲಾರಸವನ್ನು ಉತ್ತೇಜಿಸಲು ಅಥವಾ ಬಾಯಿಯಲ್ಲಿ ಸ್ರವಿಸುವಿಕೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ, ಇದು ಯಾವುದೇ ರೀತಿಯ ಕೆಮ್ಮನ್ನು ಬೇಕಾದರು ನಿವಾರಿಸುತ್ತದೆ. ವಿಶೇಷವಾಗಿ ಒಣ ಕೆಮ್ಮು ತಕ್ಷಣ ಕಡಿಮೆಯಾಗುತ್ತದೆ. ಸತು, ವಿಟಮಿನ್ ಸಿ ಮತ್ತು ಎಕಿನೇಶಿಯವನ್ನು ಒಳಗೊಂಡಿರುವಂತಹ ಗಿಡಮೂಲಿಕೆಗಳ ಲೋಜೆಂಜ್ ಆರೋಗ್ಯಕ್ಕೂ ಉತ್ತಮವಾಗಿದೆ.
3. ಹೆಚ್ಚು ನೀರು ಸೇವನೆ
ಅತಿಹೆಚ್ಚು ಕೆಮ್ಮು ಇದ್ದಲ್ಲಿ, ಇಲ್ಲಾ ತುಂಬಾ ಸಮಯದಿಂದ ಕೆಮ್ಮು ನಿಮ್ಮನ್ನು ಕಾಡುತ್ತಿದ್ದರೆ ಇದನ್ನು ಹೋಗಲಾಡಿಸಲು ಹೆಚ್ಚೆಚ್ಚು ನೀರು ಸೇವಿಸಿ. ವಿಶೇಷವಾಗಿ ಬಿಸಿನೀರು, ಚಿಕನ್ ಸೂಪ್ ಮತ್ತು ಚಹಾದಂತಹ ಬೆಚ್ಚಗಿನ ಪದಾರ್ಥಗಳನ್ನು ಸೇವಿಸಬೇಕು. ಇದು ಕೆಮ್ಮಿಗೆ ಉತ್ತಮ ಮನೆಮದ್ದು ಎನ್ನುತ್ತವೆ ಅಧ್ಯಯನಗಳು. ಸೋಂಕು ಅಥವಾ ವೈರಸ್ ಜೊತೆ ಹೋರಾಡುತ್ತವೆ ಮತ್ತು ಕೆಮ್ಮಿನಿಂದ ಉಂಟಾದ ಗಂಟಲು ನೋವು ಕೂಡ ಇದರಿಂದ ನಿವಾರಣೆಯಾಗುತ್ತದೆ.
4. ಗಾರ್ಗ್ಲಿಂಗ್
ಕೆಮ್ಮು, ಗಂಟಲಿನ ಕಿಚ್ ಕಿಚ್, ನೋವು ಈ ಎಲ್ಲವಕ್ಕೂ ಸರಳ ಚಿಕಿತ್ಸೆ ಈ ಗಾರ್ಗ್ಲಿಂಗ್. ಸ್ವಲ್ಪ ಬೆಚ್ಚಗಿನ ನೀರಿಗೆ ಉಪ್ಪು ಸೇರಿಸಿ ಗಂಟಲಿನವೆರೆಗೆ ಅದನ್ನು ಬಾಯಲ್ಲಿ ಹಾಕಿಕೊಂಡು ಸ್ವಲ್ಪ ಹೊತ್ತು ಅಲ್ಲಿಯೇ ನೀರನ್ನು ಇಟ್ಟುಕೊಂಡು ಸ್ವಲ್ಪ ಹೊತ್ತು ಬಿಟ್ಟು ಮುಕ್ಕಳಿಸಬೇಕು. ಇದು ಶ್ವಾಸೇಂದ್ರಿಯ ಪ್ರದೇಶದ ಸೋಂಕಿನ ಲಕ್ಷಣಗಳನ್ನು ದುರ್ಬಲಗೊಳಿಸುತ್ತದೆ ಮತ್ತು ಕೆಮ್ಮನ್ನು, ಶೀತವನ್ನು, ಗಂಟಲಿನ ತೊಂದರೆಯನ್ನು ಕಡಿಮೆ ಮಾಡುತ್ತದೆ.
ಇದನ್ನೂ ಓದಿ:
ಚಳಿಗಾಲದಲ್ಲಿ ಮಕ್ಕಳನ್ನು ಆರೈಕೆ ಮಾಡೋದು ಹೇಗೆ? ಇಲ್ಲಿದೆ ನೋಡಿ ಟಿಪ್ಸ್
5. ಆರ್ದ್ರಕ ಅಥವಾ ಸ್ಟೀಮ್ ಶವರ್ ತೆಗೆದುಕೊಳ್ಳಿ
ಕೆಮ್ಮು ಇದ್ದಲ್ಲಿ ಹ್ಯುಮಿಡಿಫೈರ್ ಅಥವಾ ಸ್ಟೀಮಿ ಶವರ್ ತೆಗೆದುಕೊಳ್ಳಿ. ಶೀತ ರೋಗಲಕ್ಷಣಗಳನ್ನು ಸರಾಗಗೊಳಿಸುವ ಗುಣಲಕ್ಷಣಗಳನ್ನು ಇವೆರೆಡು ಹೊಂದಿವೆ. ಆರ್ದ್ರಕಗಳು ಗಾಳಿಗೆ ತೇವಾಂಶವನ್ನು ಸೇರಿಸುತ್ತವೆ ಮತ್ತು ಶೀತ-ಮಂಜು ಆರ್ದ್ರಕಗಳು ಶೀತದಿಂದ ಕೆಮ್ಮು ಮತ್ತು ದಟ್ಟಣೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಹಬೆಯಾಡುವ ಶವರ್ ತೆಗೆದುಕೊಳ್ಳುವ ಮೂಲಕ ಅಥವಾ ತಂಪಾದ ಮಂಜು ಆರ್ದ್ರಕವನ್ನು ಬಳಸುವ ಮೂಲಕ ನೀವು ಮನೆಯಲ್ಲಿ ಈ ಸರಳ ಕೆಮ್ಮು ಪರಿಹಾರವನ್ನು ಪ್ರಯತ್ನಿಸಬಹುದು.
6. ಈರುಳ್ಳಿಯನ್ನು ಕತ್ತರಿಸಿ
ಕೆಮ್ಮಿಗೆ ಈರುಳ್ಳಿ ಕೂಡ ಒಂದೊಳ್ಳೆ ಪರಿಹಾರ. ಇದನ್ನು ಜೇನುತುಪ್ಪದ ಜೊತೆಗೆ ತಿನ್ನುವುದಷ್ಟೇ ಅಲ್ಲದೇ ಈರುಳ್ಳಿಯನ್ನು ಕತ್ತರಿಸುವುದು ಸಹ ಕೆಮ್ಮಿನ ನಿವಾರಣೆಗೆ ಉತ್ತಮ. ಈರುಳ್ಳಿಯನ್ನು ಕತ್ತರಿಸಿದಾಗ ಅದು ಹೊರಸೂಸುವ ಆವಿಯು ಕೆಮ್ಮನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಹೀಗೆ ಕತ್ತರಿಸಿದ ಈರುಳ್ಳಿಯನ್ನು ಮಲಗುವ ಬೆಡ್ ಪಕ್ಕ ಇಟ್ಟುಕೊಳ್ಳುವುದು ಸಹ ಉತ್ತಮ ರಿಸಲ್ಟ್ ನೀಡುತ್ತದೆ.
ಸುಹಾನಾ ಖಾನ್ ಸೌಂದರ್ಯಕ್ಕೆ ಯುವಕರು ಫಿದಾ!
7. ಕೆಮ್ಮಿನ ಔಷಧವನ್ನು ಬಳಸಿ
ಇವುಗಳ ಜೊತೆಗೆ ಕೆಮ್ಮಿನ ಸಿರಫ್ಗಳನ್ನು ಸೇವಿಸಿ. ಸ್ಯೂಡೋಫೆಡ್ರಿನ್ ಹೊಂದಿರುವ ಉತ್ಪನ್ನಗಳು ವೈರಸ್ ಅಥವಾ ಅಲರ್ಜಿಯಿಂದ ಪೋಸ್ಟ್ನಾಸಲ್ ಕೆಮ್ಮನ್ನು ಕಡಿಮೆ ಮಾಡುತ್ತದೆ. ಆದರೆ ಈ ಔಷಧಿಗಳು ಅವುಗಳ ಮಿತಿಗಳನ್ನು ಹೊಂದಿವೆ: 5 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಿಗೆ ಡೆಕ್ಸ್ಟ್ರೋಮೆಥೋರ್ಫಾನ್ ಸುರಕ್ಷಿತವಲ್ಲ. ಈ ರೀತಿಯ ಔಷಧಿ ಸೇವಿಸುವ ಮುನ್ನ ವೈದ್ಯರ ಭೇಟಿ ಮಾಡಿ.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ
