ತುಮಕೂರು : ತುಮಕೂರು ಜಿಲ್ಲೆ ಶಿರಾ ತಾಲೂಕಿನ ಯರಗುಂಟೆ ಗ್ರಾಮದಲ್ಲಿರುವ ಹೆಸರಾಂತ ಜೀನಿ ಕಂಪನಿ ಮಾಲೀಕ” ದಿಲೀಪ್ ಕುಮಾರ್” ಅವರು ಅದೇ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ ಮಹಿಳೆ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದಾರೆ, ಎಂದು ಕಳ್ಳಂಬೆಳ್ಳ ಪೊಲೀಸ್ ಠಾಣೆಯಲ್ಲಿ ಲೈಂಗಿಕ ದೌರ್ಜನ್ಯ ಮತ್ತು ಜಾತಿ ನಿಂದನೆ ಆರೋಪದ ಮೇಲೆ ಪ್ರಕರಣ ದಾಖಲಿಸಲಾಗಿದೆ,,
ತಾಲೂಕಿನ ದೊಡ್ಡಗೂಳ ಗ್ರಾಮದ 23 ವರ್ಷದ ಯುವತಿ ಕಳೆದ 10 ತಿಂಗಳಿನಿಂದ ಜೀನಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದರು, ಕಳೆದ ಆರು ತಿಂಗಳಿನಿಂದ ಜೀನಿ ಮಾಲಿಕ ದಿಲೀಪ್ ಕುಮಾರ್, ಈ ಯುವತಿಗೆ ಲೈಂಗಿಕ ದೌರ್ಜನ್ಯ ನೀಡುತ್ತಿದ್ದರು ಎಂದು ಸ್ವತಃ ಆ ಯುವತಿ ಆರೋಪಿಸಿದ್ದಾರೆ,,
” ನನಗೆ ಸಹಕರಿಸು, ನಿನ್ನನ್ನು ರಾಣಿ ತರ ನೋಡಿಕೊಳ್ಳುತ್ತೇನೆ” ಎಂದು ದಿಲೀಪ್ ಕುಮಾರ್ ಯುವತಿಗೆ ಒತ್ತಾಯ ಮಾಡುತ್ತಿದ್ದರು, ಏ 19 ರಂದು, ಸ್ವಲ್ಪ ಕೆಲಸ ಇದೆ ಎಂದು ಜೀನಿ ಕಂಪನಿಯ ಶೆಟ್ಟಿಗೆ ಕರೆದುಕೊಂಡು ಹೋದ ತಕ್ಷಣ ಆಕೆಯ ಕೈಯನ್ನು ಹಿಡಿದು ಎಳೆದಾಡಿ ಅತ್ಯಾಚಾರಕ್ಕೆ ಪ್ರಯತ್ನಿಸಿ, ನನಗೆ ಸಹಕರಿಸು ನಿನ್ನನ್ನು ಮಹಾರಾಣಿಯ ರೀತಿ ನೋಡಿಕೊಳ್ಳುತ್ತೇನೆ, ನನ್ನ ಕಂಪನಿಯಲ್ಲಿ ಸಿಗುವ ಸಂಬಳಕ್ಕಿಂತ ಇನ್ನು ಹೆಚ್ಚಿನ ರೀತಿ ಹಣ ನೀಡುತ್ತೇನೆ, ಎಂದು ಆಮೀಷ ಒಡ್ಡಿದ್ದಾನೆ, ನಂತರ ಯುವತಿಯು ಅಲ್ಲಿಂದ ತಪ್ಪಿಸಿಕೊಂಡು ಹೋಗಿ ತಮ್ಮ ಮತ್ತು ಗಂಡನೊಂದಿಗೆ ಬಂದು ಕಳ್ಳಂಬೆಳ್ಳ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದು ಈ ಸಂಬಂಧ ಪ್ರಕರಣ ದಾಖಲಾಗಿದೆ,,
ವಿಡಿಯೋ ಮಾಡಿ ಆರೋಪಿ ನಾಪತ್ತೆ :
ಕಳ್ಳಂ ಬೆಳ್ಳ ಪೊಲೀಸ್ ಠಾಣೆಯಲ್ಲಿ ಏಪ್ರಿಲ್ 24ರಂದು ತಮ್ಮ ಮೇಲೆ ಲೈಂಗಿಕ ದೌರ್ಜನ್ಯ ಮತ್ತು ಜಾತಿ ನಿಂದನೆ ಆರೋಪದ ಮೇಲೆ ಪ್ರಕರಣ ದಾಖಲಾದ ವಿಷಯ ತಿಳಿಯುತ್ತಿದ್ದಂತೆ, ಜೀನಿ ಕಂಪನಿಯ ಮಾಲೀಕ ದಿಲೀಪ್ ಕುಮಾರ್, ಸಾಮಾಜಿಕ ಜಾಲತಾಣದಲ್ಲಿ ನಾನು ಯಾವುದೇ ತಪ್ಪು ಮಾಡಿಲ್ಲ, ನನ್ನ ಮೇಲೆ ಷಂಡ್ಯತ್ರ ಮಾಡಲಾಗುತ್ತಿದೆ, ಮುಂಬರುವ ಜಿಪಂ, ಚುನಾವಣೆಯಲ್ಲಿ ಸ್ಪರ್ಧಿಸುತ್ತೇನೆ ಎಂದು ನನ್ನ ಮೇಲೆ ಇಲ್ಲಸಲ್ಲದ ಆರೋಪ ಮಾಡುತ್ತಿದ್ದಾರೆ, ಇದಕ್ಕೆ ನಾನು ಕಾನೂನಿನಡಿ ತಕ್ಕ ಪ್ರತಿಕ್ರಿಯೆ ನೀಡುತ್ತೇನೆ ಎಂದು ವಿಡಿಯೋ ಮಾಡಿ ದಿಲೀಪ್ ಕುಮಾರ್ ನಾಪತ್ತೆಯಾಗಿದ್ದಾರೆ,,
ಮಹಿಳೆಯರಿಗೆ ಅಪಮಾನ:
ಜೀನಿ ಕಂಪನಿಯ ಮಾಲೀಕ ದಿಲೀಪ್ ಕುಮಾರ್ ತಮ್ಮ ಮೇಲೆ ಷಂಡ್ಯತ್ರ ನಡೆದಿದೆ ಎಂದು ಸ್ಪಷ್ಟನೆ ಕೊಡುವ ವಿಡಿಯೋ ಮಾಡಿದ್ದರು, ಆ ವಿಡಿಯೋದಲ್ಲಿ 10 ಲಕ್ಷ, ಕೊಟ್ಟರೆ ತುಂಬಾ ಚೆನ್ನಾಗಿರೋ ಹುಡುಗಿ ಬರ್ತಿರ್ಲಿಲ್ವ ಎಂದು ಹೆಣ್ಣು ಮಕ್ಕಳ ಬಗ್ಗೆ ನಿಕೃಷ್ಟವಾಗಿ ಮಾತನಾಡಿದ್ದು, ಮಹಿಳಾ ಆಯೋಗ ಕ್ರಮ ಕೈಗೊಳ್ಳಬೇಕು, ಎಂದು ಮಾದಿಗ ಮಹಾಸಭಾ ರಾಜ್ಯ ಪ್ರಧಾನ ಕಾರ್ಯದರ್ಶಿ ಎಸ್, ಆರ್,ರಂಗನಾಥ್ ಒತ್ತಾಯಿಸಿದ್ದಾರೆ,,
ವರದಿ ನರಸಿಂಹರಾಜು ತುಮಕೂರು
